Әлеуметтік кәсіпкерлік: Өскеменде жаңа білім және спорт орталығы ашылды
Әлеуметтік кәсіпкерлікті дамыту мақсатында Өскеменде Даму қорының қолдауымен «Zeyin» білім және спорт орталығы ашылды, деп хабарлайды Altainews.kz тілшісі.
Әлеуметтік кәсіпкерлік – қоғамдағы мәселелерді шешуге бағытталған тиімді бизнес моделі. Ол кәсіпкерлерге қоғамдағы өзекті мәселелерді шешу арқылы елдің экономикалық әлеуетін арттыруға мүмкіндік береді, өйткені бұрын пайдаланылмаған ресурстарды экономикалық айналымға енгізеді.
«Президентіміз Жолдауында бұқаралық спортты дамыту және білімді азаматтарды қолдау туралы айтты. Балалар – біздің байлығымыз. Сондықтан, болашақ үшін білімді ұрпақ тәрбиелеуіміз қажет. Осы орталықты халықтың сұранысына сай аштық. Қазір бізде 147 бала спорттық, білім беру және өнер салаларында қосымша білім алып жатыр,» – деді «Zeyin» орталығының директоры Зайра Аринова.
Орталықты ашу үшін мекеме басшылығы банктен несие алып, оның шамамен 25%-ын мемлекет Даму қоры арқылы 5 жыл бойы субсидиялайды.
Ақерке Рағызбаева
Фото: Аяужан Өтеулинова
Видео: Жәнібек Ырысбай
Оқи отырыңыз
