Бұқаралық спортты дамытуға кәсіпкерлер де атсалысуда
Өскемен қаласында әлеуметтік кәсіпкерлік аясында "Zhuldyz" спорттық кешені ашылды, деп хабарлайды Altainews.kz тілшісі.
Қазіргі уақытта спорт кешенінде волейбол, футбол, тоғызқұмалақ, гимнастика секілді үйірмелер жүргізілуде.
– Бұл спорт кешенін біз "Даму" қорының қолдауымен салдық. Мұнда келушілердің жасына қарамастан, жаттығуларын өткізуге мүмкіндік береміз, – деді спорт кешенінің директоры Алмас Нұрсейітов.
Спорт кешені дене шынықтыру және денсаулықты сақтау қызметтерін ұсынады. Сонымен қатар, тұрғындар спорттық алаңды жалға алып, жарыстар өткізе алады.
Кешенді жалға алу құны 12 мың теңгені құрайды.
Ақерке Рағызбаева
Фото: Аяужан Өтеулинова
Видео: Жәнібек Ырысбай
Оқи отырыңыз
