Квота туралы қайдан білуге болады?
– Тұрғындарды медициналық квоталар туралы ақпараттандыру қалай жүргізіледі және оны алу тәртібі қандай?
Раушан Қадырбекқызы
Зайсан ауданы.
Сауалға облыстық денсаулық сақтау басқармасының басшысы Марат Шоранов жауап береді:
– Медициналық ұйымдардың ақпараттық сайттарында стационарлық медициналық ұйымдарға емдеуге жатқызу тәртібі мен ережелері туралы ақпараттар орналастырылады. Пациент стационарды, сондай-ақ республикалық деңгейдегі ұйымды (бұдан әрі – республикалық клиника) таңдаған кезде алғашқы медициналық-санитарлық көмек көрсететін немесе медициналық ұйымның маманы сәйкес бейініне қарай оған бос төсек-орындар туралы ақпарат береді.
Сонымен қатар әрбір пациент «қонақ» ретінде электрондық емдеуге жатқызу бюросына кіріп, ақпарат ала алады. Емдеуге жатқызу бюросының порталы – алдыңғы үш күндегі республикадағы кез келген стационардағы бос төсек-орындар туралы ақпарат ала алатын ғаламтор-ресурсы (https://bg.eisz.kz). Егер пациент дәрігерден емдеуге жатқызу кодымен қоса жолдама алса, онда өңірлік және республикалық клиникалар бойынша ағымдық күту парағын қарап, өз кезегін қадағалай алады.