ҚМДБ-ның Өскемен аймағы өкілдігінің жанынан «Тауаф» атты қажылық компания құрылды.

Облыстық дін басқармасының қолдауымен құрылған аталмыш компания қажылыққа барғысы келетін адамдарға кеңес беріп, қолдау көрсетеді. ҚМДБ-ның Өскемен аймағы өкілдігінің имамы Ермек қажы Тасболатұлының айтуынша, мұсылманның бес парызының бірі – қажылықты өтеген адамға Құдайдың берер сауабы мол.

– «Кімде-кім Алла тағала ризашылығы үшін қажылық жасаса, жаман сөзден, жаман қылықтардан, күнәлардан сақтанса, анасынан туылғандай пәк болып қайтады» деген болатын Пайғамбарымыз (с.ғ.с.). Сондықтан қажылыққа ниет еткен адам шариғи үкімдерге мұқият болғаны жөн, - дейді Ермек қажы Тасболатұлы.