Облыстық газеттің міндетті әлеуметтік медициналық сақтандыру жүйесін жан-жақты түсіндірген 500 дана арнайы шығарылымы Шығыс Қазақстан облысының әр елді мекеніне жеткізіледі.

ШҚО әкімі Даниал Ахметов аппараттық жиналыста осындай тапсырма берді.

– Тұрғындар атқарылып жатқан жұмыстар туралы білулері керек. Сол себепті алдымен әр отбасына міндетті медициналық сақтандыру шеңберінде не, қашан және қалай жасалып жатқанын жан-жақты жазып, жеткізу керек, –деді Даниал Ахметов. – Бұл өте маңызды. Түсіндіру жұмыстары атүсті жүргізілмеуі керек.

Таяу күндері ақпарат аймақтағы әрбір тұрғынның үйіне жетеді. Экспресс-талдаудан кейін МӘМС жүйесінің жұмысын атаулы түсіндіретін екінші кезең басталады.