Ақтаудағы 17-ші ықшамауданда орналасқан Green Park тұрғын үй кешенінде бүлдіршін терезе алдында ойнап отырып, жетінші қабаттан құлап кеткен. Оқиға 21 маусымда кешкі уақытта болған, - деп хабарлайды "Лада".
Куәгерлердің айтуынша, бүлдіршін металлдан жасалған торға түскендіктен аман қалған. ТКШ қызметкерлерінің бірі торға түскен балаға қозғалмай, қорықпай отыра тұруын айтыпты. Ал өзі осы уақытта сатыны қойып, баланы түсіріп алыпты. Бала ауруханаға жеткізіліп, дәрігерлер баланың зақым алмағанын айтты.
Құқық қорғау органдары қазіргі уақытта оқиғаның мән-жайын анықтау үстінде. Осы оқиғаға байланысты жергілікті полиция тұрғындарға үйде бала болса, терезені ашық қалдырмауды кеңес етіп отыр.
tengrinews.kz
