«Қазақстан Республикасының Тұңғыш Президенті күні» мерекесін Семей қаласының Шәкәрім атындағы мемлекеттік университетінің студенттері «Нұрлы жол» ұранымен үлкен флешмоб түрінде атап өтті.

Тұңғыш Президент күні - барша қазақстандықтар үшін халықтық мереке саналады. Осы ретте Шәкәрім университетінің Студенттік Парламенті мен тәрбие ісі және жастар саясаты бөлімі флешмоб ұйымдастыру арқылы Елбасының сарабдал саясатын қолдайтындарын жеткізді. Іс-шараның басты мақсаты - Елбасымызға деген құрмет сезімін ояту арқылы жас ұрпақты ұлтжандылыққа тәрбиелеу болып табылады. «Қазақстан Республикасының Тұңғыш Президенті күні» дәстүрлі мерекеге айналады деп толық сеніммен айтуға болады. Ол үшін айтулы күн тиісінше дәріптелуі қажет.