Қазақстан халқы бүгін Тұңғыш Президент күнін тойлап жатыр. Осы мерекеге орай барлық елді мекендерде қызықты шаралар ұйымдастырылып, көпшілік ойын-сауық бағдарламалар қарастырылған, деп хабарлайды Altaynews.kz тілшісі.
2012 жылғы қыстың алғашқы күнінде Қазақстан тұрғындары үшін тағы бір мереке қосылды – 1-желтоқсанда біз Қазақстан Республикасының тұңғыш Президентінің күнін атап өтеміз.
Мемлекетіміздің Тұңғыш Президентінің күні бірінші Президент Нұрсұлтан Назарбаевтың елімізге сіңірген ерен еңбегін тану мақсатында белгіленген. Мерекенің күнін таңдауға 1991 жылғы 1-желтоқсандағы оқиға тарихи алғышарт және негіз болды,--бірінші бүкілхалықтық сайлаудың нәтижесінде Нұрсұлтан Әбішұлы Қазақ ССР Президентінің лауазымына қайтадан сайланды.
Биыл қазақстандықтар Тұңғыш Президент күнінде үш күн демалады.
