Семей қаласындағы М.Әуезов педколледжі мен Мәскеу қаласындағы Ресей Академиясы педагогика тарихы мен теориясы институты өзара меморандумға қол қойды, деп хабарлайды Аltaynews.kz тілшісі.


Семейдегі М.Әуезов атындағы педагогикалық колледжге биыл 110 жыл толды. Осыған орай «Білім саласындағы педагогтарды дайындау» тақырыбында халықаралық конференция өтті.

Жиында сөз алған Шәкерім атындағы мемлекеттік университеттің ректоры Шәріпбек Әмірбеков бүгінгі күні көпшілік арасында айфон, айпад сияқты «Аpple» фирмасының өнімдері кең қолданысқа енгенін, сол арқылы мол табысқа қол жеткізгенін тілге тиек ете отырып, білім саласына да осындай инновациялық жобаларды енгізу керектігіне тоқталды.

Конференция аясында М.Әуезов педколледжі мен Мәскеу қаласындағы Ресей Академиясы педагогика тарихы мен теориясы институты өзара меморандумға қол қойды.