Шығыс Қазақстанда жол-көлік апатында 28 жастағы жүргізуші қаза тапты, деп хабарлайды Аltaynews.kz тілшісі.

Облыстық жол басқармасының баспасөз ақпаратына сүйенсек, Өскемен – Шемонайха тас жолы бойында Предгорное ауылының маңында Митсубиси Галант автокөлігінің жүргізушісі басқаруға ие бола алмай, КамАЗ жүк көлігімен соғылған.

Жеңіл көлік Верх – Березовка ауылынан Глубокое кентіне қарай бара жатқан.

Осы жол апатында шетелдік көліктің 28 жастағы жүргізушісі оқиға орнында көз жұмып, оның 4 жастағы қызы бас жарақатымен ауруханаға жеткізілді.