Қайғылы оқиға 30 тамызда Мақаншы-Жалаңашкөл тас жолында болған, деп хабарлайды Altaynews тілшісі.

Сағат 11.00 шамасында Daewoo Nexia автокөлігінің жүргізушісі басқаруға ие бола алмай, көлік жыраға түсіп кетті.

ШҚО ПД баспасөз қызметінің ақпараты бойынша, алған жарақаттардан 45 жастағы жүргізуші әйел оқиға орнында көз жұмды. Көлікте отырған 62 жастағы ер адам, жүргізушінің 17, 12 жастағы ұлдары ауруханаға жеткізілді. Медициналық тексеруден кейін олар үйлеріне қайтарылды.

Қазір жол апатына байланысты сотқа дейінгі тергеу амалдары жүргізілуде.