Жарма ауданында өрт кезінде иіс тиіп уланған екі адамның бірі ауыр халде жатыр, деп хабарлайды Аltaynews.kz тілшісі облыстық ТЖД-нің баспасөз қызметіне сілтеме жасап.
Жаңғызтөбе кентінде жеке меншік үйде шыққан тілсіз жау үй жиһаздарын, жеке заттарды жалмады. Өрт кезінде бір зейнеткер мен 1969 жылғы келіншектің иіс тиіп уланғаны анықталды. Дәрігерлердің айтуына қарағанда, ауруханаға жеткізілген зардап шегушілердің бірі – 44 жастағы келіншектің жағдайы өте ауыр .
Алдын ала болжам бойынша, өрт отты абайсыз пайдаланудан шығуы мүмкін. Қазір кінәлі адамдар мен шығынның көлемі анықталып жатыр.