Семей қаласында өрт кезінде иіс тиіп, уланған 22 жастағы қыз құтқарылды, деп хабарлайды Аltaynews.kz тілшісі облыстық ТЖД-нің баспасөз қызметінің мәліметіне сілтеме жасап.

Семей шаһарының Бозтаев және Первомай көшелерінің қиылысындағы ғимаратта өрт шыққан. Өрт сөндірушілер жеткенше, үй жиһаздары, төсек-орын мен жеке заттар тілсіз жаудың құшағына оранған.

Ғимратты тексерген кезде қосалқы бөлмелердің бірінде жерден иіс тиіп уланған 1991 жылы туған жас қыз табылды. Зардап шегуші ауыр халде бүйрек орталығының токсикология бөлімшесіне жеткізілді.