Өскемен қаласында сенбі сайын дәстүрлі түрде өтіп келе жатқан Арбат фестивалі өзінің мекенжайын ауыстырады, деп хабарлайды Аltaynews.kz тілшісі.

-Қазір Арбатқа қатысты шағымдар мен дау-дамайлар баршылық. Біз тұрғындардың өтініштеріне құлақ салуымыз керек. Көпшілігі күндіз жұмыста, оның үстіне үнемі көлік кептелісі болады. Сол себепті Арбатты Амфитеатрға ауыстырып, енді кешкі мезгілде өткізсек деп отырмыз. Алда өтетін шарларды «Сазды жағалау» деп атамақпыз. Біз қалалықтарға өнер көрсетуге дайын ұжымдарды, жастарды күтеміз, - деді облыстық жастар саясаты мәселелері жөніндегі басқарманың басшысы Жасұлан Сәрсебаев.