«Нұрлы Бастау» қоғамдық қорының волонтерлары «Береке» акциясын өткізді. Қоғамдық қордың мүшелері Ұлан ауданына қарасты Асубұлақ және Белогор кентінің 13 отбасына азық-түлік себеттерін тегін таратты, деп хабарлайды Аltaynews.kz тілшісі.

Олардың арасында көпбалалы аналар, мүгедек жандар мен оралмандар бар. Акцияны ұйымдастырушылар тізімде көрсетілген жандардан алдын ала сұрастырып, мұқтаж заттарының тізімін жасап алған болатын. Тапсырысқа сәйкес әр отбасының қалған бұйымдарын ұсынған волонтерлердің қайырымды істеріне ұландықтар зор алғыстарын білдіруде.

Олар осындай шапағатты істер алдағы уақытта да жалғасын табады деп сенеді.