Шығыс Қазақстан облысында екі орман шаруашылығының филиалдарында жай түсіп, өрт шықты , деп хабарлайды Аltaynews.kz тілшісі облыстық ТЖД-нің баспасөз қызметінің мәліметіне сілтеме жасап.
«Дмитревка орман шаруашылығының Бородулиха филиалында найзағайдың жарқылынан шыққан өрт 130 шаршы орманды отқа орады. Сонымен қатар, Талицкое орман шаруашылығының Семей филиалында 110 шаршы орман тілсіз жаудың құшағында қалды. Екі жағдайда да өрттің шығу себептері ретінде жай түсті деген болжам бар», делінген департамент таратқан баспасөз хабарламасында.