Өскемен тұрғындары қоғамдық көліктерді сағаттап күтетіндерін айтып, жиі шағымданады. Тасымалдаушылар бұл қолайсыздықтың басты себебін атады. Бұл туралы Өңірлік коммуникациялар қызметінде өткен брифинг барысында облыстық жолаушылар көлігі және автомобиль жолдары басқармасы басшысының орынбасары міндетін атқарушы Қуаныш Акрамов мәлім етті.

Ағымдағы жыл басынан бері облысішілік маршруттардағы жолаушылар ағыны 25 пайызға артқан. Осы мақсатта мемлекет тарапынан субсидия бөлінгенін айта кеткен жөн. 

Облыс бойынша әлеуметтік жағынан аз қамтылған отбасыларда тәрбиеленіп жатқан 5312 бала қоғамдық көліктермен тегін жүреді. Осы мақсатта мемлекет тарапынан 178,1 миллион теңге бөлінген. Ал келесі жылдан бастап қала және аудан аралық маршруттарда «Алтын алқа», «Күміс алқа», «Батыр Ана», «I және II дәрежелі Ана даңқы» алқаларымен марапатталған көп балалы аналар үшін тегін жол жүруді енгізу туралы ұсыныс қаралуда. Брифингке қатысқан басқарма басшысы орынбасарының міндетін атқарушы осылай деді. 

Айта кету керек, облыс орталығында «Марат-М» ЖШС, «Воска» ЖШС, «Рост» ЖШС, «Вебас» ЖШС, «Бақытжол» ЖШС, «Кривошеев» ЖК, «Калиницкий» ЖК, «ТК KazAvtoline» ЖШС сияқты бірнеше ірі тасымалдаушылар жұмыс істейді.

Ажар Сағатбекова