Бүгін Шығыс Қазақстан облысының ветеринарлық қызметтеріне 221 су жаңа «Нива» автокөлігінің кілті тапсырылды. «Агробизнес-2020» бағдарламасын жүзеге асыру шеңберінде осы мақсатқа 250 миллион теңге бөлінген болатын.

Облыстық ауыл шаруашылығы басқармасы бастығы Дүйсембай Селихановтың айтуынша, облыстың барлық қалалары мен аудандарының ветеринарлық қызметтерінде енді арнайы құралғылармен жабдықталған көліктер болады.








- Бұдан басқа ветеринарлық пункттер арнайы жабдықтармен, мәшинеден бастап, жиһаз және жасанды ұрықтандыруға қажетті қондырғылармен қамтамасыз етіледі. Тағы 19 Дук мәшинесін (Комаровтың дезинфекиялық қондырғысы) және әр ауданға барлық жерден өте беретін 19 көлік алу жоспарланып отыр. Осылардың барлығы ветеринарлық қызметтерді толық көрсетуге мүмкіндік бермек.

Ветеринарлық автокөліктің ішінде қан тасымалдауға арналған термос, залалсыздандырғыш, хирургиялық инструменттер жиынтығы бар.