Балаларды қорғау күні мерекесіне орай Шығыс Қазақстан облысы Мамандандырылған күзет қызметі басқармасының жеке полиция батальоны басшылығымпен әйелдер кеңесі «Менің сүйікті мультфильмдік кейіпкерім» тақырыбында балалар салған суреттердің конкурсын өткізді, деп хабарлайды Altaynews.kz тілшісі.

Байқауға 3 пен 12 жас аралығындағы балалар қатысты. Шығармашылық сайыстың қорытындысы бойынша ең дарынды балғындарға бағалы сыйлықтар мен мақтау қағаздары табыс етілді. Жас достар үшін мерекелік дастархан жайылды.

Марапаттаудан балалардың ата-аналары да шет қалмады. Ұжым өміріне белсене ат салысып жүргендер полиция батальоны басшылығы атынан Алғыс хаттарға ие болды.