Бүгін, 2-мамырда Өскемен қаласында қазақтың әйгілі әншісі Әміре Қашаубаевтың 125 жылдығына орай дәстүрлі ән орындаушылардың республикалық конкурсы басталады, деп хабарлайды Аltaynews.kz тілшісі.

Конкурс 18.30-да Металлургтердің мәдениет сарайында салтанатты түрде ашылады.

Екінші күні Жамбыл атындағы облыстық драма театрында үміткерлер іріктеу сынында өнерлерін сарапқа салады.

Байқаудың жеңімпаздарын марапаттау және гала-концерт 4-мамырда сағат 18.00-де Металлургтердің мәдениет сарайында болады.