Шығыс Қазақстан облыстық Ардагерлер ұйымы Қырғызстандағы табиғат апатынан қаза тапқан балалардың отбасыларына материалдық көмек беру туралы шешім қабылдады. Аға буын өкілдері барша өңір тұрғындарын да белсенділік танытып, қолдау көрсетуге шақыруда, деп хабарлайды Altainews.kz  тілшісі.

Қырғызстанның Ош облысында болған сел тасқыны салдарынан адамдардың қаза тапқаны туралы суыт хабарды ШҚО тұрғындары терең күйзеліспен қабыл алып отыр. Өкінішке қарай, қаза тапқандар арасында шығысқазақстандық екі отбасының төрт баласы да бар. 
Мемлекеттік органдар бұл отбасыларға жан-жақты қолдау көрсетуге дайын екенін бірден хабарлады. 

Қайырымдылық көмек көрсетуге арналған деректемелер: «Ардагерлер ұйымы» республикалық қоғамдық бірлестігінің Шығыс Қазақстан облыстық филиалы, Өскемен қ., Горький к-сі, 40. ЖСК KZ316010151000052349, «Қазақстан халық банкі» АҚ, БСН 970241005806, КБЕ 18, БСК HSBKKZKX.