Облыс орталығында Kazzinc open M15 Ust-Kamenogorsk халықаралық турнирі өтіп жатыр. 

Оған алыс-жақын шетелдерден барлығы 64 спортшы қатысуда. Турнирдің бас демеушісі – «Казцинк» компаниясы, деп хабарлайды Altainews.kz тілшісі.

Кеше турнирдің алғашқы жеңімпаздары анықталды. Ерлер арасында өткен жарыста бірінші орынды - Петр Бар-Бирюков (Ресей) еншілесе, Беларусь елінің спортшысы Мартин Борисюк  екінші орынды қанағат тұтты. 
Kazzinc open M15 Ust-Kamenogorsk халықаралық турнирі биыл үшінші жыл қатарынан өткізіліп жатыр. Жалпы компания халықаралық турнирлерді он жылдан бері ұйымдастырып жүр. 

Турнирдің директоры Дархан Жанмұхамбетовтің айтуынша,  Өскеменде өтіп жатқан жарыстарда Үндістан, Жапония, Өзбекстанның  және еліміздің теннисшілері бақ сынасуда.