А. С. Пушкин атындағы облыстық кітапханада оқушылардың ағылшын тілін меңгеруге деген шығармашылық қабілеттері мен қызығушылықтарын дамыту мақсатында ғылыми-практикалық конференция-конкурс ұйымдастырылды, деп хабарлайды Аltaynews.kz тілшісі.
Байқауда қала мектептерінің 8-11 сынып оқушыларының ағылшын тіліндегі жобалары қарастырылды. Бұл аса күрделі конкурс болды. Жұмыстар ағылшын тілін білу деңгейі, ғылыми құндылық, тақырып өзектілігі, зерттеу шеберлігі, ұсыну стилі және басқа да талаптар бойынша бағаланды. 
"Конкурс қатысушыларының тек кітаппен ғана шектелмей, Интернеттен зерттеп, ағылшын тіліндегі электронды басылымдарды қарап, кітапханадағы тіл мамандарымен қарым-қатынас жасағандары байқалды. Кітапхананың Америка мәдени орталығының қазылар алқасы үздік жобаларды анықтады. Жеңімпаздар Өскемен қалалық білім беру бөлімінің грамотасымен марапатталып, ал жұмыстары кітапхана сайтында жарияланады (автордың рұқсатымен)" дейді ұйымдастырушылар.
