ШҚ облысындағы Таврия ауылдық округіне Парламент Мәжілісінің депутаты Юрий Тимощенко бастаған арнайы топ келіп, жергілікті халықпен кездесті , деп хабарлайды Altaynews.kz тілшісі

Топ құрамында ШҚ облысы Қазақстан халқы Ассамблеясы хатшылығының меңгерушісі Е.Аязбаев, облыстық бақылау және әлеуметтік қорғау департаментінің директоры Б.Қизатов және басқалар болды.

Кездесу барысында әйел адамдардың зейнеткерлікке шығу жасын ер адамдардікіне теңестіру сөз болды. Топ мүшелері кездесуге қатысқан ауыл тұрғындарының осы мәселеге қатысты ұсыныс-пікірлерін тыңдап, сауалдарына жауап берді.

Мәжіліс депутаты Ю.Тимощенко басқосуда көтерілген өтініш-тілектерді Үкіметке жеткізетінін айтты.