Парламент Мәжілісінің депутаты Светлана Ферхо іссапармен Семей қаласының Шәкәрім атындағы мемлекеттік университетінде болды. Студент жастармен кездесуінде депутат Елбасының биылғы Жолдауындағы басым бағыттар туралы кеңінен, жан-жақты түсіндірді.

Мемлекет басшысының Қазақстан халқына үндеуінде көрсетілген инновация, білім беру жүйесін дамыту, ел ертеңі – жастарға патриоттық тәлім-тәрбие беру жөнінде баяндады. Қазақ елінің көшбасшысы Нұрсұлатн Әбішұлы Назарбаевтың Жолдауы еңселі елімізге жаңаша серпін беруде. Бұл тарихи құжатта көрсетілген міндет-тапсырмалар халықтың әлеуметтік ахуалын жақсартуға, ел экономикасын көтеруге мол мүмкіндік беріп отыр. Сондықтан, ел Президенті жүктеген әрбір міндетті іс жүзінде орындауға әркімнің мүмкіндіктері басым. Ал, бұл өз кезегінде «Мәңгілік ел» болуымызға жеткізетін нық қадамдардың бірі екені сөзсіз, - дейді ҚР Парламенті Мәжілісінің депутаты Светлана Ферхо.


Кездесуге келген университет оқытушылары мен студент жастар Мәжіліс депутатына көкейлерінде жүрген сауалдарын жолдап, жылы лебіздерін де білдіріп жатты.