Азық-түлік бағасының көтерілуі жөнінен Өскемен қаласы алдына жан салмай тұр. Өкінішке қарай, облыс орталығындағы халық тұтынатын кейбір азық-түлік түрлерінің құны Астана мен Алматыдан да асып түседі екен, деп хабарлайды Аltaynews.kz тілшісі.
Ресми статистикаға жүгінсек, бүгінгі күні картоп 7 пайызға, пияз 4 пайызға, орамжапырақ 9 пайызға қымбаттаған. Сонымен қатар, ет пен сүт өнімдері де сатып алушы қарапайым тұрғындардың қалтасына айтарлықтай салмақ түсіруде.
"Әрине, азық-түлік тауарларының қымбаттауы еліміз-дің басқа да қалаларында байқалады. Бірақ ең жоғары өсім Өскеменде,"– деп нақтылады қала әкімі Серік Тәукебаев.
Бір көңіл аударарлығы, бағаның жоғарылауы тек жеке кәсіпкерлердің иелігіндегі сауда орындарында ғана емес, сондай-ақ тұрақтандыру қорында да көрініс берген. Мәселен, қордағы өнімдер ай сайын 1-2 теңгеге өсіп отыр.