Катонқарағай ауданында жеке кәсіпкер өз қаржысына көшені жарықтандырып берді, деп хабарлайды Аltaynews.kz.

«Туған жерге – тағзым» акциясы аясында жергілікті кәсіпкерлер мен шаруа қожалықтарының қаржылай қолдауымен көптеген жобалар іске асырылуда. Осындай игілікті шаруаның бірі Жамбыл ауылында жалғасын тапты.

Жеке кәсіпкер Асхат Абраимов туған ауылының Қайнар көшесіне темір бағаналарға 10 электр шамын және оны сөндіріп, қосатын жабдықтар орнатып берді. Бұған қажетті 750 мың теңге қаржыны кәсіпкер өз қалтасынан шығарды. Асхат Ақошұлының бұл ісіне ауылдастары шын көңілден ризашылықтарын білдіріп отыр.

Тұрсынхан Базарбаев