Көктем мерекесі қарсаңында Ұлан аудандық жұмыспен қамту және әлеуметтік бағдарламалар бөлімінің қызметкерлері нашар қамтылған отбасы ретінде қамқорлықтарына алған Сағыр ауылының тұрғыны Алтынай Жакинаға барып қайтты, деп хабарлайды Altaynews.kz тілшісі.

Оның тұңғыш қызы - Жанбота жуықта 11 айға толды. Осы қуанышқа орай бөлім мамандары жиналып балалар киімін, төсек жабдықтарын, азық-түлік сатып алып, демеушілік көрсетті. Сонымен қоса аудандық мәслихат депутаты Оразай Сыдықов өз қаражатына тас көмір сатып алып, жеткізіп берді.

Алтынай Жакина аудандық жұмыспен қамту және әлеуметтік бағдарламалар бөлімінің ұжымына, аудандық мәслихат депутатына көрсеткен қамқорлықтары үшін алғысын білдіріп, келешекте аудан халқының әл- ауқатын жақсарта беруде табыс тіледі.