Айыртау ауылдық кітапханасында бастауыш сынып оқушыларының «Киндерлино» атты суретшілер үйірмесі жұмыс істейді, деп хабарлайды Аltaynews.kz тілшісі.

Әлия Тастенова жетекшілік ететін үйірме күн өткен сайын өз қатарын дарынды балалармен толықтырып келеді.

– Балалардың рухани, мәдени, эстетикалық білімдерін нығайтып, бұғып жатқан шеберліктерін ашу – үйірменің басты мақсаты. Жалпы сурет салу – үлкен өнер. Сондықтан әр баланың мінез-құлқы мен жан дүниесін олардың салған суреттері мен талғаммен қолданған түстеріне қарап білуге болады, – дейді әдемілікке баулып келе жатқан Әлия.

Жетекшінің айтуынша, аталған үйірме жай ғана сурет салу емес, еркін тақырыпта және ертегі кейіпкерлерін әспеттеуге негізделген екен.