Семейде көшелерді қардан тазалау жұмыстары өз жалғасын тапты.Қаланың тұрғын үй-шаруашылық қызметі, мүдделі жеке меншік иелері қарды жинап, қала сыртына шығарумен айналысып жатыр, деп хабарлайды Altaynews.kz тілшісі, Семей қалалық ішкі саясат бөлімінің мәліметіне сүйеніп.
Шаһар әкімі тұрғындардан осы маңызды шаруаға өз үлестерін қосуды сұраған. Бұл ұранға алдымен жастар қолдау көрсетті.
Студенттер Қайсар Еркінбаев пен Олжас Мысыров бастаған жастар соғыс және еңбек ардагерлеріне осы істе көмек беруді қолға алды. Қайсардың пікірінше, кез келген семейлік қаланы тазалау жұмыстарына өз үлесін қосуға міндетті.
Жастар ауласын тазалауға көмектескен жандардың бірі – соғыс ардагері Николай Поздняков. Қария студенттердің қолқабысына ризашылығын білдірді.
.