Семейде қала көшелері мен жаяу жолдарды қатты жауған қардан тазалау жұмыстары тоқтаусыз жүріп жатыр. деп хабарлайды Altaynews.kz тілшісі Семей қаласы ішкі саясат бөлімінің ақпараттық секторының мәліметіне сүйеніп.
Қалалық тұрғын үй- коммуналды шаруашылығы, жолаушылар көлігі және автокөлік жолдары бөлімі берген мәлімет бойынша, қала көшелерін тазалауға 19 автосамосвал, 13 қар тазалаушы машина, 7 автогрейдер, 1 бульдозер, 3 құмшашқыш машина, 13 жүктиейтін техника, 6 шнекоротер жұмылдырылған.
Шығарылған қардың жалпы көлемі 21000 текше метр, 28-желтоқсан күні 1558 текше метр қар шығарылды. Ауылдық округтер әкімдіктерінің мәліметі бойынша, Семей-Қайнар тас жолы мен Абыралы ауылының жолының 5 шақырымы қардан тазартылған, Семей-Таңат тас жолы толық тазартылған.
Мәлімет көзі:Altaynews.kz
