«Казгидромет» РМК ШҚО бойынша филиалының ақпараты бойынша, 2 мамырда облыстың басым бөлігінде қатты жел соғады, деп хабарлайды Altainews.kz тілшісі.

Шығыс Қазақстан облысында солтүстік-батыстан соғатын жел оңтүстік-шығысқа ауысады, түнде облыстың орталығында, оңтүстігінде, күндіз облыстың солтүстігінде жел күші 15-20 м/с, екпіні 23 м/с дейін жетеді.

ШҚО ТЖД мамандары желдің екпіні кезінде сымдар мен тербелетін заттарға жақындамай, автобус аялдамаларының артына, ағаштардың астына тығылмау керектігін ескертеді.

Төтенше жағдай кезінде "112" телефоны бойынша хабарласу қажет.