Жат діни ағымдардың көбеюі, халықтың дәстүрлі исламға деген көзқарасына да нұқсан келтіруде,- дейді ШҚО-дағы «Мұхамади» мешітінің бас имамы И. Қарнақпайұлы. -Сондықтан бүгінгі күні Қазақстан Республикасының діни бірлестіктерін қайта тіркеуді өткізіп, соның нәтижесінде саны 32 % азайып, заңның талаптары қатаң сақталуына көңіл бөлініп жатқаны дұрыс.
Бас имамның пайымдауынша, 2011 жылдың 11 қазанында қабылданған Қазақстан Республикасының «Діни қызмет және діни бірлестіктер туралы» Заңы халықтар арасындағы ынтымақ пен татулыққа, бірлік пен бауырластықты нығайтып, діни фанатизмге, айрандай ұйып отырған елдің ойранын шығаруға, араға жік салуға жол бермейді. Мемлекеттік тіркеу және қайта тіркеудің осыған ықпал ететініне күмән жоқ.