Аякөз қаласындағы политехникалық колледж тұғыш рет технологиялық тәжірибеден өтуге аталған мамандықтар бойынша жәрмеңке өткізді. Құрылғанына алты жыл ғана болған колледж, облыстағы алдыңғы үштіктен ойып орын алып жүрген бірден –бір оқу орыны саналады,
деп хабарлайды Аltaynews.kz тілшісі.

Олай болса техникалық мамандықтардан аса зәрулік көріп отырған Аякөз сияқты моноқалаларда мұндай мамандарды тәжірибеден өтізу, болашақта өндіріске қажет маман болатынын жете түсінген өндіріс басшылары мен жеке кәсіпкерлер жәрмеңкеге қатысып, 202 оқушының 189-ын мамандықтары бойынша тәжірибе өтетін орындарын белгілеп, келісім - шарт жасады.

Ақтоғай ТЭЦ, Локомотив пайдалану депосы, осындай 30-шақты кәсіпорын жәрмеңке көркін қыздырды. Колледжде оқып жатқан түлектердің көбісі ауыл балалары аталған мамандықтардың ауылға да қат екенін есерсек, ауыл балалар да екі қолға бір күрек табары сөзсіз, оның үстіне колледждің соңғы екі жылда бітірген түлектерінің 75 пайызы тұрақты жұмысқа орналасқан. Демек техникалық мамандықтың ауылға да сұранысы арта бастады.