Шығыс Қазақстан облысының оңтүстік өңірінде өрттің қаупі жоғары, ал Өскеменде найзағай күтіледі, деп хабарлайды Altainews.kz тілшісі.

«Қазгидрометтің» облыстық филиалының ақпараты бойынша, 1 шілдеде түнде облыстың солтүстігі мен шығысында найзағай болуы мүмкін. Сондай-ақ күндіз бұл аймақта бұршақ жауып, дауыл соғады деген болжам бар.

Облыстың шығысында, солтүстігінде және оңтүстігінде жел соғады, оңтүстік-шығыстан соққан желдің екпіні 15-20 м/с, күндіз 23 м/с дейін жетеді.

Өскеменде найзағай болуы ықтимал. Оңтүстік-шығыстан соққан желдің екпіні күндіз 15-20 м/с. Өрт қаупі жоғары.