Жарма аудандық жұмыспен қамту орталығының ұйымдастыруымен «Жұмыспен қамту – 2020» бағдарламасының жүзеге асырылуы, бос жұмыс орындары жөнінде дөңгелек үстел өткізілді.
Дөңгелек үстелге арнайы жұмыс берушілер: аудан көлеміндегі ЖШС-лер, шаруа қожалықтары және кәсіпкерлер шақырылды. Аудандық жұмыспен қамту орталығының бастығы А.Жанақов 2011 жылы «Жұмыспен қамту – 2020» бағдарламасы арқылы 88 адам әртүрлі мамандықтар бо-йынша қысқаша курстық дайындықтан өтіп, жұмысқа орналастырылғанын баяндады. Әлеуметтік жұмыс орындарына 50 адам, жұмыс берушілерге 26 адам жолданған.
«Нұр Отан» ХДП аудандық филиалының жетекшісі А.Сахметжанова, «Шалабай» ЖШС-нің заңгері Б.Майжеринов, «Береке-Бірлік» қожалығының басшысы С.Искаков әлеуметтік жұмыс орындары жөнінде, жұмысшыларды құжаттандыру кезеңінде туындайтын қиындықтар, жұмысшылар мен жұмыс берушілердің арасындағы келісім-шартқа отыру мәселелері турасында ой бөлісті.
