31-мамаыр – Саяси қуғын-сүргін құрбандарын еске алу күні. Осыған орай Өскеменде мұражай ашылмақ.
Оған жаппай қуғынға ұшырағандардың жеке заттары мен құжаттары қойылады.
Бүгінде өңірімізде осынау алапат қырғыннан аман қалған жалғыз адам бар екен. Ол – Әзипа Бәжекенова. Әзипа әжей сол жылдары ата-анасы және 3 бауырымен бірге Сібірге айдалған. Бар кінәсі – байдың жиені болғаны. Сібірдің қақаған қысында олар қара жұмысқа жегіліпті.
Кейуана мұражайға жолдасы Сейітқалидан қалған заттарды тапсырды.
