Бесқарағай ауданы Семияр бау-бақша қоғамында өрт 50 гектар алқапты жалмаған. Қазір өрт себебін анықтау үшін тергеу жүргізілуде, деп хабарлайды облыстық ТЖД баспасөз қызметіне сілтеме жасаған Altaynews.kz тілшісі.
Болжамдардың бірі – отты қолданғанда салғырттық таныту. Қызыл жалын дер кезінде өшірілді, бірақ айыптылар мен шығындар анықталып жатыр.
Күннің көзі жылынғалы бері облыста жалпы ауданы 174 гектар аумақты қамтитын 4 дала өрті және 822 гектар ауданда 42 жану оқиғасы тіркелген.
Мамандардың пікірінше, тілсіз жаудың шығуына отты абайсыз қолдану жиі себеп болады екен. Дала өрттері көбінесе бау-бақшаларда, орман шар-уашылығында және ашық алаңдарда туындайды.
Өрт сөндірушілер облыс тұрғындарын табиғат аясында демалыс өткізген-де және саяжай учаскелерінде жұмыс істегенде абай болуларын сұрайды.
