Қазақстандық хип-хоп-орындаушы семейлік Кейс (Ержан Серікбаев) әлемге әйгілі әнші Бейонсе өзінің сайтында жариялаған байқауға қатысатын болды. Байқау шарты бойынша 18 жасқа толған кез-келген адам талантты әншінің End of the Time әніне ремикс жазып, оны сайтқа жариялауы қажет.
8 – ақпаннан басталған байқау 8-наурызға дейін жалғасады. Байқау жеңімпазы 4 мың доллар көлемінде ақшалай сыйлық алады, онымен қоса ремикс Бейонсенің R & B жаңа альбомына енгізіледі.
20 жастағы семейлік Ержан Серікбаев өзінің тырнақалды туындысын 2009 жылы жазған. Бүгінде ол "На зло" әніне бейнебаян түсіруді жжоспарлап отыр. Жуықта ғана Желіде оның "Moro - мы просто люди" атты бейнетуындысы жарияланды. Жас талаптың негізгі мамандығы – ағылшын және француз тілдерінің аудармашысы екен. Бірақ ол болашақта продюсерлік орталық ашып, музыка саласына шындап ден қоймақшы.
Мәлімет көзі: Tengrinews.kz