2011 жылы елімізде «Жұмыспен қамту-2020» мемлекеттік бағдарламасының пилоттық жобасы жүзеге асырыла бастағаны белгілі. Егер былтыр жобаның мүмкіндіктерін шамамен 600 шығысқазақстандық пайдаланған болса, енді бұл көрсеткіш екі есеге өсетін болды, - бағдарламаны жүзеге асыру жөніндегі аймақтық комиссияның алғашқы отырысында осылай делінді.
Бағдарлама бағыттарының бірі — ауылды шағын несиелендіру. Осы мақсатта тек біздің өңірімізге ғана 6 млрд теңгеден астам қаражат бөлінді. Басым бағыттар мал шаруашылығы мен өсімдік шаруашылығын, балық шаруашылығы мен құс шаруашылығын дамыту, киім-кешек, жиһаз, құрылыс материалдарын өндіру, туризм мен тұрмыстық қызмет көрсету.
Ольга Кузовлева, ШҚО жұмыспен қамту және әлеуметтік бағдарламаларды үйлестіру басқармасының бастығы:
- Бұл соңғы сома емес. Шағын несиені пилоттық жобаларға емес, қалыпты жұмыс жағдайында береміз.
