Жоғары хоккей лигасы тұрақты чемпионатының 31-ші турында қонақта ижевскілік «Ижстальді» 4:0 есебімен талқандаған Өскеменнің «Торпедосы» осы жеңісінің арқасында турнирлік кестедегі жағдайын сәл де болсын жақсартты.

Айта кетейік, бұл матчта біздің команда сапында қорғаушы Сергей Ильин мен шабуылшылар Максим Капитуров (дубль) және Евгений Рымаревтің қанжығалары майланды.

Осындай сенімді жеңісінен кейін 33 ұпайға ие Мисхат Фахрутдинов шәкірттері турнир кестесінің 17-ші сатысында орналасуда.

Ертең жерлестеріміз Перьм қаласында жергілікті «Молот-Прикамье» хоккейшілерімен шеберлік байқаспақ. Бұл ойын кешкі сағат 18:00-де басталады.