Астана, Семей, Павлодар қалаларының БАҚ өкілдері 111 рет қой көтеріп жеңімпаз атанған Айым  Нұржанованы іздеп таба алмай жатыр, деп хабарлайды Алтайньюс тілшісі.

Естеріңізге сала кетейік,   «СемейАгро» көрмесінде өткен сайыста семейлік Айым Нұржанова атты қарындасымыз қой көтеруден алдына жан салмаған болатын. Бұл туралы ақпарат кеше, 2 қазан күні  сайтымызда жарияланған.

Қыз бала екеніне қарамастан алып күш иесі екенін көрсете білген Айым туралы жеке сюжет түсіріп, мақала жазсақ деген өтініш жасағандарға Шәкәрім мемлекеттік университеті: «ол біздің студент емес еді»  деп жауап қайырыпты.

-Дегенмен  111 рет қой көтерген қазақтың мықты қызы Айым Нұржанова туралы ақпаратқа халықтың қызығушылығы қатты артуына орай, жақын арада оны тауып, бір хабарын беруге тырысамын,-деді Шәкәрім атындағы мемлекеттік университеттің аграрлық факультеті деканының тәрбие жұмысы жөніндегі орынбасары  Мейрамгүл Сайлаубайқызы.