ФИФА-ның нұсқасы бойынша жылдың үздік ойыншысы анықталды. Шешім көпшілік күткендей ме?.. Алтайньюс тілшісі хабарлайды.

10 жыл бойы Роналду мен Мессидің қолынан түспеген «Жылдың үздік футболшы» атағы биыл Модрич ие болды. Үздіктер үштігін Криштиану Роналду мен Мохаммед Салах түйіндеді.

Дауыс беру бойынша Хорват футболшысы 29,05 пайызбен алғашқы орынға шыққан. 19,08 пайызбен Роналду екінші орынға орналасса, Салах 11,23 пайызбен үштікті қорытындылап тұр.

Футболсүйер қауымға аян, Модрич биылғы жылы «Реалда» сапында Чемпиондар лигасында топ жарды. Ал Хорватия құрамасында өрге сүйреген жартылай қорғаушы әлем чемпионатының финалына дейін жетті.

33 жастағы футболшы бұған дейін УЕФА-ның таңдауы бойынша өткен маусымның үздік ойыншысы атанған болатын.

Дегенмен Лука «Алтын доп» иегері атана ала ма? Желтоқсан айында білетін боламыз.