Бұған дейін елімізде қызылша (корь) ауруының маусымдық таралуы байқала бастағаны туралы жазған едік. Науқастардың қатары күннен күнге артып келеді. Олардың көбі – екпе алмағандар, деп хабарлайды Алтайньюс тілшісі.

Бас санитар дәрігер Жандарбек Бекшиннің айтуынша, бүгінгі таңда аймақтар бойынша қызылшаның зертханалық түрде дәлелденген 900 жағдайы тіркеліпті.  Жұқпаға шалдыққандардың көп үлесі – екпе алмағандар. Олардың  56%-ы – екпе жасына толмаған балалар, 30%-ы – медициналық анықтамамен екпеден босатылғандар, 11%-ы – пкпеден өз еркімен бас тартқандар екен.

Өткен жылы елімізде 5712 адам вакцинациядан бас тартқан. Алайда медицина қызметкерлері көбінің екпеге деген көзқарасын өзгертіп, нәтижесінде 3106 адам екпе салдыртқан болатын.