Облыстық Тілдерді дамыту жөніндегі басқармасының мәліметінше, бұған себеп – күзде өтетін халық санағы, деп хабарлайды Алтайньюс тілшісі.

Әкімдіктерге шатаспау үшін көшелер мен елді мекен атауларын ауыстыруды тоқтата тұру тапсырылды.

– Келіп түскен өтініштер көп. Бірақ барлығы бірдей тиісті үлгіде рәсімделмеген. Сондықтан олар қабылданбайды. Одан кейін атауларды өзгертуге қатысты шешімді басқарма қабылдамайды. Қалай болғанда да, бұл жұмыс биыл жүргізілмейді, – деді басқармадағылар.

Дегенмен талқылаудан өткен ұсыныстар әлі де қарастырылатын болады. Айталық, өткен күзде қалалық мәслихат депутаттары бірауыздан қолдау білдірген Өскемендегі бірнеше көше аттары өзгеруі мүмкін. Олар: Орджоникидзе (Нұрмағанбетов), Киров (Чехов), Дзержинский (Қашаубаев) және т.б