Өскемендегі «Спорт сарайы» аялдамасында wi-fi желісі бар павильон салынады
Өскемендегі «Спорт сарайы» аялдамасында wi-fi желісі бар жаңа павильон салынады, деп хабарлайды Алтайньюс тілшісі.
Қазір аялдамада тұрған 9 метрлік павильонды бөлшектеу жұмыстары басталды. Оның орнына 13 метрлік павильон тұрғызылмақ. Стандартты орындықтар мен жылыту құрылғыларынан басқа, жаңа павильонда ұялы құрылғыларды зарядтауға арналған розеткалар мен тегін, сымсыз Интернет-байланыс орнатылады.
Құрастыру жұмыстары 20 қаңтарға дейін аяқталады деп жоспарланып отыр.
– Ескі павильон Виноградов көшесіндегі «Ивушка» аялдамасына ауыстырылады, – деп мәлімдеді қала әкімінің баспасөз қызметі.
Оқи отырыңыз