Париж Олимпиадасының жолдамасына қол жеткізу үшін Валентина 6 айқас өткізіп, үшінші жарысында ақыры мақсатына жетті, деп хабарлайды Altainews.kz тілшісі ҚР Туризм жəне спорт министрлігінің ақпаратына сүйеніп.

Бокстан Бангкокта (Таиланд) өтіп жатқан шешуші лицензиялық жарыста 75 келідегі Валентина Хальзова Колумбия спортшысы Ширлейдис Орозконы 5:0 есебімен жеңді.

Бұған дейін осы салмақта Токио Олимпиадасында Надежда Рябец, Рио Олимпиадасында Дариға Шакимова (3-орын), Лондон Олимпиадасында Марина Вольнова (3-орын) бақ сынаған.