Еліміздегі ең ірі көпірдің құрылысы қалай жүріп жатыр?
Фото: gov.kz
Бұқтырма су қоймасы арқылы өтетін көпір құрылысы жалғасып жатыр. Бұл еліміздегі ең ірі көпір болмақ. Ұзындығы – 1316 метр.
Көлік министрлігінің мәліметінше, көпір тіректерінің 81%-ы орнатылған, деп хабарлайды Altainews.kz тілшісі.
Құйған ауылының тұсында салынып жатқан стратегиялық маңызға ие нысан өңірдің көлік инфрақұрылымын жақсарта түспек.
«21 тіректің 17-сі орнатылды. Яғни қазір бұл жұмыстың 81 пайызы орындалды. Көпірдің қалған төрт тірегі орнатылып жатыр. Сондай-ақ 20 аралық құрылымның жартысы салынды. Жұмыстарды орындау үшін қажетті алаңдарды қамтамасыз ететін уақытша технологиялық көпірдің құрылысы толығымен аяқталып, кірме жолда жер төсемін орнату және құм-қиыршық тас қоспасынан жол жабынын төсеу жұмыстары жасалды. Құрылыс-монтаждау жұмыстарын іске асыру үшін де барлық қажетті материалдар дайындалды», - деп мәлімдеді ҚР Көлік министрлігі Автомобиль жолдары комитетінің төрағасы Төлеген Абдуллин.
Оқи отырыңыз
Төрт айда 98 метр. Бұқтырма су қоймасы арқылы өтетін көпір құрылысы қалай болып жатыр?Бұқтырмадағы көпір құрылысы қашан аяқталады?Бұқтырма көпірінің құрылысы қалай жүріп жатыр?Технологиялық көпір Бұқтырма су қоймасының екі жағалауын байланыстырдыТалдықорғаннан Өскеменге дейінгі тасжолдың 768 шақырымына асфальт төселді
