«Қазгидромет» РМК ШҚО филиалының мәліметінше, 1 тамыз күні облыстың батысында, солтүстігінде және шығысында найзағай ойнап, күндіз бұршақ жаууы мүмкін. Сондай-ақ желдің жылдамдығы 15-20 м/с дейін күшейіп, кей жерлерде екпіні 25 м/с-қа жетеді, деп хабарлайды Altaiтews.kz тілшісі.

Өңірдің шығысында, сондай-ақ солтүстік-шығысы, батысы мен оңтүстігінде төтенше өрт қаупі сақталады.

Өскеменде де найзағай күтіліп отыр, күндіз бұршақ жаууы ықтимал. Жел оңтүстік-шығыстан оңтүстік-батысқа ауысып, екпіні 15-20 м/с-қа жетеді.

Төтенше жағдайлар кезінде қауіпсіздік шараларын сақтаңыз:

• Найзағай кезінде үйден шықпаңыз, электр құралдарын сөндіріңіз және қолданбаңыз;

• Ашық алаңда болсаңыз, металл қоршаулар мен биік нүктелерге жақындамаңыз;

• Қатты жел кезінде электр сымдары мен шайқалған заттарға жоламаңыз, аялдамалар мен ағаштардың түбінен аулақ болыңыз.

Кез келген төтенше жағдайда 112 нөміріне қоңырау шалыңыз.