«Қазгидромет» РМК Шығыс Қазақстан облыстық филиалының мәліметінше, 25 маусым күні облыстың солтүстігінде, шығысында және оңтүстігінде найзағай ойнап, бұршақ жаууы және дауыл тұруы ықтимал, деп хабарлайды Altainews.kz тілшісі.

Солтүстік-шығыстан соғатын жел солтүстік-батысқа ауысып, екпіні 15-20 м/с-ке, ал күндіз 23-28 м/с-ке дейін күшеюі мүмкін.

Облыстың солтүстігінде жоғары өрт қаупі сақталса, оңтүстік-шығысында төтенше өрт қаупі бар.

Өскемен қаласында да найзағай ойнап, бұршақ жаууы күтілуде. Жел бағыты солтүстік-шығыстан солтүстік-батысқа ауысады, екпіні күндіз 15-20 м/с-ке дейін жетеді.

Қалада да өрт қаупінің жоғары деңгейі сақталуда.